Чайна днесь успішні выпустила до весміру першый модул свойой будучой орбіталной станіці з назвом Tchien-che 1 (Небеска гармонія). Інформували о тім аґентуры AFP a DPA. Іде о першый з трьох модулів весмірной станіці Tchien-kung, котрой назва в переложіню значіть Небескый палац. Станіця у формі словацькой буквы T мать быти готова до кінця 2022-го року. Споминаный першый основный модул є довгый 16,6 метрів і шырокый 4,2 метрів. Стане ся квартельнов секційов про тройчленны посадкы, котры будуть мати можность на єй палубі остати шість місяців. Модул буде вырабляти енерґію про цілый комплех станіці, котрый будуть творити іщі два ехперіменталны модулы. (TASR, Pkf)