Часть з міморядной помочі Міністерства културы (МК) СР у вышцї 10,7 міліона евр про незалежну културу ся до конця рока 2020 роздїлить і на проєкты меншыновой културы. ,, Уможнить то у четверь опублікована міморядна вызва Фонду на підпору културы народностных меншын (ФПКНМ) в цїлковій вышцї 475.000 евр,“ інформовало МК. Міморядна вызва є венована проєктам професіоналных умелцїв. ,,Умелецї і умелецькы робітницї можуть выготовити проєкт і жадати о ёго підпору формов штідендії максімално на пять місяцїв. Час на поданя мають до 2. новембра 2020,“ ознамила то говоркыня МК Зузана Віціанёва. ,,Штіпендію мож здобыти на творьбу і презентацію театралных, танечных, музічных, вытварных і авдіовізуалных дїл,“ додала.

(TASR, Шутіова)