Америцькый маґазін Форбес вчленив словацьку презідентку Зузану Чапутову меджі 100 найвпливнішых жен світа. В списку, на чолі котрого суть америцька писателька і філантропка МацКензіе Сцоттова, віцепрезідентка США Камал Гаррісова і шефка Европской централной банкы Хрістіне Лаґардеова, Чапутова заняла 86. місце.  Список найвпливнішых жен світа за рік 2021 опубліковав Форбес вчера на своїй інтернетвій сторинці. (TASR, Pkf)