Словацька влада днесь на своїм засіданю їднать о управі условій тзв. локадавну. Діяня тых дотеперішніх по двох тыждньох кінчать. Многы представителі владной коаліції вчера представили договір на новых протіпандемічных опатрінях. Матерял з тым повязаный але в проґрамі засіданя не є. Од пятниці, 10-го децембра ся подля договору мають отворити обходы про заочкованых і тых, котры переконали захворіня  COVID-19. Од понеділька, 13-го децембра мать перейти другый ступінь основных школ і середніх школ на діштанчну едукацію. Надале мать платити заказ выходжіня і нудзовый став. Міністер здравотницьтва Владімір Ленґварскый авізував, же остатны опатріня мають платити так, як їх одпрезентовав в понеділок 6-го децембра. Наприклад готелы ся мають отворити од 25-го децембра. (TASR, Pkf)