Скоро 300 нелеґалных ставб існуючіх коло водного резервоару Велика Домаша зачнуть зліквідовати тот місяць. Як ся поступ, котрый собі выбрав Словеньскый водогосподарьскый подник (SVP), ухопить і зодповідаючо ся оформлить леґіслатіва, в будучности буде мож так само поступовати і в припаді іншых чорных ставб на Словакії. Про пресову аґентуру TASR то повів говорця SVP Маріян Боцак. „Нелеґалны обєкты, на котрых ся уж повторюючо находять вызвы на ліквідацію, класіфікованы як опущена вец, будуть зосереджованы на допореду призначене місце на протязі єдного рока. Покы ся до того часу властник неприголосить, пропадуть штату, респективні будуть зліквідованы, “ повів Боцак. Пояснив, же нелеґалны ставбы можуть мати неґатівный вплив на охрану якости воды у воднім резервоарі. (TASR, Pkf)