І кедь Сербія належить меджі найліпше приправлены країны, фурт ся про ню выдумають далшы і далшы подмінкы про вступ до Европской унії. По вчерайшім самміті евроблоку з країнами западного Балкану в Бруселі то выголосив словацькый премєр Роберт Фіцо. Інформує о тім справодайця TASR. Сербія є подля його слов суверенна країна і його презідент суверенный політік, што ся в EU барз не толерує. „Двоякый метер є тіпічнов ознаков европской політікы. На єдній боці великы хлопці тискають Україну до EU, хоць є абсолятно неприправлена, а на другім боці Сербії бранять вступити до Унії, бо є барз пышна, самоувірена і суверенна. Александыр Вичіч і Серби будуть мати фурт мою підпору,“ підчекнув словацькый премєрь. (TASR, Пкф)