x

Архієпархіалный одпуст в Руськых Пеклянах

00

Із жывотом благославеного єпіскопа Павла Петра Ґойдіча суть повязаны три округлы юбілеї – 20 років од благоречіня, 70 років од його одсуджіня на дожывотный арешт і 110 років од священицького высвячіня – припомянула Йозефіна Штофанова, старостка села Любовець і Руськы Пекляны на зачатку праздника, котрый ся одбыв 17-го юла в його родных Руськых Пеклянах. Єдночасно привітала главного служытеля владыку Яна Бабяка, пряшівского архієпіскопа метрополіту і вшыткых участных. Перед святов літурґіов, котра наслідовала по молитві руженця і Акатісту ку благославеному Павлови Петрови Ґойдічови, владыка Ян інформовав віруючіх о актуалнім ставі святоречіня благославеного епіскопа Павла і вызвав участників, жебы ся дале молили за зазрак на його приговор. В часі святой літурґії быв за архідіакона установленый дотеперішній діякон Пряшівской архієпархії Рудолф Греньо. По святій літурґії і мірованю владыка Ян посвятив нововыбудованый хрест при вступі до села Руськы Пекляны. (TASR, Pkf)