Влады Словацькой републікы і Чеськой републікы будуть продовжовати у далшій співпраці в обороні і укріпляти єй. Згодли ся на тім в понедільок дочасно повіреный председа влады СР Едуард Гегер і чеськый премєр Петр Фіала на восьмім засіданю обидвох влад в Тренчіні. Влады Словацькой а Чеськой републікы так само згодли ся на потребі продовжованя гуманітарной, економічной, політічной, але і воєньской помочі Україні. Важным фактором подля них є і продовжованя в ціленім тиску на Російску федерацію в подобі стріктного дотримованя санкцій з боку Европской унії і їй партнерів, бороніня їх обходжіня і творіня механізмів на выводжіня одповідности за злочіны повязаны з тов аґресійов.

(Медвідь, TASR)