Землетрясіня з маґнітудов 4,9 засягло в середу вечур теріторію Хорватії, котра ся спамятавать зо силных отрясів земли з минулого тыждня. Люде в паніцї зась выбіговали до уліць а уряды уж голосили пошкоджіня многых будов. Справы о зранїнях ся заты не обявили, інформовали аґентуры AFP і Hina. Ку новому землетрясіню дошло около 18.00г, выходить з данных америцькой ґеолоґічной службы USGS, подля котрых было епіцентрум недалеко міста Петріня, тяжко пошкодженого нищівыма отрясми з минулого віторка. Просто постигнутых землетрясінём было 116.000 людей а шкоды ся дотуляють 66.000 жытелїв. Шкоды голосять на 3000 родинных домах, 750 обходах а высше 800 фірмах.

(TASR, Шутіова)