Австрія днесь од півночі, т.є. з пятніцї на суботу заведе з доводу згоршіня коронавірусовой пандемії контролї на граніцях. Наслїдно будучій тыжден прийде ку обмеджіню кількости гранічных переходів. На соціалній сїтї Twitter o тім інформовав чеськый міністер загранічных дїл Томаш Петшічек. Додав, же далшы правила про путованя оставають єднакы: карантена є повинна, причім з нєй екзістують выняткы.Справодайскый сервер Novinky.cz припомянув, же Австрія од 19. децембра розшырила варованя перед путованём на скоро вшыткы країны. По приходї з різіковых штатів мусять люде іти до десятьднёвой карантены. Ізолацію мож закончіти предчасно PCR тестом з неґатівным резултатом. На тот тест але мож іти найскорше в пятый день по вступі до Австрії.

(TASR, Шутіова)