Премєр Роберт Фіцо і сучасна влада буряють діпломатічны односины, котры Словакія будовала послідні три декады. В реакції на Фіцове подорожіня до Москвы на святкованя 80-ой річніці закінчіня Другой світовой войны то в понедільок на пресконференції сконштатовали представителі опозічного руху Progresívne Slovensko. Рух премєра вызвав, жебы в найблизшых місяцях їднав і з ключовыма партнерами а союзниками. Председа PS Михал Шімечка поважує премєрову навщіву Москвы за ганьбу і пошкоджіня інтересів Словакії, Фіца означів за премєра войны. Бывшый діпломат і член презідії руху Іван Корчок твердить, же влада своїм діяньом ничіть меджінародне поставліня Словакії.

(Медвідь, TASR)