Новов ґенералнов директорков STVR стала Мартіна Флашікова. По выслуханю кандідатів о тім в тайній вольбі на своїм понедільковім засіданю вырішыла Рада STVR, котра має подля актуалной леґіслатівы законну компетенцію волити і одкликовати шефа публічного телерадія. Флашікова здобыла сім голосів, два голосы од членів Рады дістав Іґор Сланіна. Далшыма кандідатами были Мартін Якубец і Петер Янку. Флашікова дотеперь працовала як шефка телевізной секції STVR, у публічній телевізії робила і в минулости. У своїм презентованім проєкті хотіла заховати сучасны проґрамовы службы, но хотіла зефектівнити і здінамізовати новинарьску понуку, ці звекшыти творчость про діти. Членове Рады, і кедь выслухованя было публічне, пустили на выслухованя лем посланців парламенту, остатніх людей не впустили.

(Медвідь, TASR)