Много вояків меджінародного прапору NATO вміщеных в лотішскім головнім містї Ріґа, котрого сучастёв суть і словацькы вояци, мать позітівный тест на коронавірус. Увели то в середу тисковы аґентуры Белґа і Лета з одказом на говорцю лотішского міністерства обраны. Вояци были ізолованы на воєньскій закладни Адазі. Лотішске міністерство обраны але не спреснило детаілы о штатній приналежности і кількости інфікованых вояків а не додало інформації о їх сучаснім здравотнім ставі. Белґа але упозорнила, же подля данных канадьской телевізной станіцї CBC є меджі накаженыма і дакілько канадьскых вояків.

(TASR, Шутіова)