x

Коллар ся оправдав Ґрекокатолицькій церькви

00

Председа Народной рады Словацькой републікы Борис Коллар ся офіціално оправдав Ґрекокатолицькій церькви за їй протизаконне зрушіня перед 70-ма роками.Зробив так при нагоді 70-ой річніці заказу Ґрекокатолицькой церькви в бывшій Чехословакії такзваным Пряшівскым собором в рамках святочного одкрытя памятной таблы ґрекокатолицькому єпіскопови Павлови Петрови Ґойдічови на будові вязніці в Леополдові, котре одбыло ся в понедільок 25-го мая. Інформовала о тім аґентура TASR. „Як председа Народной рады Словацькой републікы із нагоды 70-ой річніці зрушіня Ґрекокатолицькой церькви в бывшій Чехословакії і 60-ой річніці мученицькой смерти їй єпіскопа Павла Петра Ґойдіча в тій вязніці, выражам Ґрекокатолицькій церькви на Словакії репрезентованій їй найвысшыма представителями офіціалне оправданя за протизаконне і недемократічне поставліня мімо закон,“ повів Коллар. Председа парламенту ся оправдав і вшыткым людям, котрых основны права были в тім часі значно пошкоджены державныма властями.

(Медвідь, TASR)