Рекомандації Найвысшого контролного уряду (NKÚ) СР з контролі заміряной на господаріня і керуваня Словацького народного музея (SNM) і Словацькой народной ґалерії (SNG) буде міністерство културы (MK) імплементовати до юна. На вчерайшій пресконференції то авізовала міністерка културы Мартіна Шімковічова.   Поуказала на то, же о недостаткох, котры справы NKÚ задефіновали, резорт інформував уж давніше. Міністерка признала хыбы наприклад при персоналных змінах в припаді SNG. Поважує то шак за нормалне. (TASR, Пкф)