Ґрецькый парламент в середу планує схвалити реформу, котра бы робітникім за вынятковых околностей доволёвала робити 13 годин денно. Одборы і опозічны страны реформу крітізують. Владнучі конзерватівці мають в парламентї 156 стілцїв з цїлковой кількости 300 а зато ся очекує, же новый закон посланцї схвалять, пише аґентура AFP.  Одборы тот місяць зорґанізовали уж два ґенералны штрайкы проти реформі. Влада але тырвать на тім, же 13- годиновый робочій час є добровольный, дотулять ся лем пріватного сектора а мож го уплатнити найвеце 37 днїв в роцї.

(TASR, Шутіова)