Америцькый презідент Доналд Трамп в понедільок повів, же ся доїднав на стрічі „різных сторон“ о своїх намагах перевзяти контролю над Ґренландійов почас тоготыждньового засіданя Світового економічного форуму в Давосі. Трамп повів, же мав „барз добрый телефонат із ґенералным секретарьом НАТО Марком Руттем односно Ґренландії“. Презідент на соціалній сіті додав, же быв згодный із стрічов у Давосі. Французьскый презідент Еммануел Макрон зясь шефови Білого дому запропоновав, же у четверь може зорґанізовати стрічу в Паріжі. Шеф Елізейского палаца єдночасно вызвав, жебы собі у четверь дали в Паріжі вєдно вечерю іщі перед тым, як Трамп верне до США.

(Медвідь, TASR)