x

Выстава о гуманітарній помочі ґрекокатоликів у Пряшові

00

В пятніцю 24-го фебруара 2023-го року було точно рік од зачатку воєньской інвазії російской армії на Україну. Смутну річніцю припомянули собі і ґрекокатолицькы віруючі. Як інформовав Михал Павлишіновіч з Інформачного центра Пряшівской архієпархії, владыка Петро Руснак, апостольскый адміністратор Пряшівской архієпархії, позвав в тот день ку посту і молитві за покій і мір на Україні. В Катедралнім соборі святого Йоана Крестителя в Пряшові в тот день владыка о 15.30 год. молив ся молебен на тото наміріня, по котрім слідовала панахіда за вшыткы жертвы той несмыселной войны. В рамках той молитовно-пєтной події одбыло ся і одкрытя выставы фотоґрафій під назвов Капка радости, котры вказують реаліту войны, біженецьку крізу і поміч, котра была в повязаню з тым зреалізована з боку ґрекокатолицькых віруючіх. Духовне покровительство над выставов перевзяв владыка Петро Руснак вєдно із председом Пряшівского самосправного краю Міланом Маєрьскым.  (LEM.FM, Pkf)