x

Презідентка прияла демісію Ріхарда Суліка

00

Словацька презідентка Зузана Чапутова прияла днесь демісію віцепремєра і міністра господарьства Ріхарда Суліка з SaS. Резорт дочасно поведе міністер транспорту і будованя Андрей Долежал, номінант Sme rodina. Тот по демісії Мілана Крайніяка дочасно шефує і Міністерству роботы, соціалных справ і родины. Сулік подав демісію по тім, што премєр Іґор Матовіч в неділю оголосив охоту одыйти з функції і далше быти членом влады. Як условія собі дав одход Суліка з влады, далше одступліня з фунцкій мінсітеркы справедливости Марії Коликовой, підпредседы парламенту Юрая Шеліґы і шефкы здравотницького выбору парламенту Яны Бітто Циґаниковой. Партія SaS подля Суліка сповнилка Матовічовы персоналны пожадавкы дотуляючі ся влады. На раді є подля Суліка теперь премєр.

(Медвідь, TASR)