23-го марца в русиньскім календарі нелем словацькых Русинів, але Русинів по цілім світі, святкуєме як Світовый день Русинів. Цілосвітове свято было схвалене у 2017-ім році Світовым конґресом Русинів (СКР), котрый проходив у хорватьскім Осієку. Дата была выбрата на день, коли зачав ся 1-ый Світовый конґрес Русинів. Тот проходив 23-го аж 24-го марца 1991-го року в Меджілабірцях. Од того часу минуло округлых 30 років. Головным орґанізатором 1-го СКР была Русиньска оброда. Участныма на тій вызначній про Русинів події, кедь по довгых роках офіціалного „неіснованя“ першый раз стрітили ся і становли собі свої цілі, были втогды представителі Русинів з втогдышньой Чехословакії, Польщі, іщі все Совітьской Україны, Северной Америкы і втогдышньой Югославії.

(Медвідь)