x

Андрей Кіска собі знать представити, же бы быв премьєром

00

Презідент Андрей Кіска собі знать представити, жебы быв премьєром. Днесь але за його словами іщі неє на місці рішыти даный вопрос. Повів то в недільняйшій релації телевізії Маркізы На тело. Важніше є за його словами заборонити потенціональній коаліції партії Smer-SD з Ľudovou stranou Naše Slovensko і авізованов новов партійов Штефана Гарабіна. „Партії як Sloboda a Solidarita (SaS), Obyčajní ľudia a nezávislé osobnosti (OĽaNO), Kresťanskodemokratické hnutie (KDH), Progresívne Slovensko (PS), Spolu a nová, звеме ю і Кіскова партія бы могли споїти силы, вєдно перевзяти міч і одповідність за тоту країну і вернути ю назад людьом,“ твердить днешній презідент. Лідер каждой політичной партії бы за словами Кіску міг быти добрым премьєром. Взник новой партії Кіска потім оголосив на соціалній сіті. Конкретны інформації о  партії, єй назві і людьох, з котрыма буде сполупрацовати, покы неопубліковав і повторює, же ся так стане аж 17. юна. (TASR, Pkf)