На пленарнім засіданю Европского парламенту (ЕП) на будучій тыждень европосланці асі одобрять резолюцію к сітуації в Мадярьску. Увело то днесь інтернетове выданя денника Népszava, подля котрого так вырішыла вчера Конференція председів зложена з председів ЕП і лідрів фракцій. Справы повязаны з Мадярьском будуть тот раз темов діскусії в рамках оціньованя мінулорічного децембрового самміту в Бруселі. Посланці будуть діскутовати наприклад  о мадярьскім вету, котре боронить фінанцованя Києва, о вердікті уволнити Мадярьску часть зморозеных еврофондів ці о  мадярьскім председницьтві Европской унії, котре ся зачне  в юлі. Денник підчеркує, же меджічасом в Бруселі збирають підписы під ініціатіву фіньского крестяньскодемократічного посланця ЕП Петріго Сарвамау, котрым цільом є позаставліня права на голосуваня в раді Европской унії. (TASR, Pkf)