Од нового школьского рока школа в селі Уліч має честну назву Основна школа з матерьсков школов Александра Духновіча. О зміні назвы вырішыв іщі в юнію бывшый міністер школства Петер Плавчан. В пятніцю проходила святочна академія на школі, в рамках котрой выступали домашні школярі, котры доходжають до школы довєдна із 9 сел околіці. На академії державный секретарь міністерства школства Петро Крайняк передав офіціалный декрет о новій назві школы і на будові школы святочно одкрыв памятну таблу присвячену будительови Русинів, по котрім теперь улічска школа несе офіціалну назву. Як інформовав Крайняк, бісіда была і о тім, жебы запровадити до школы навчаня русиньского языка.
(Петро Медвідь)