Даньска пошта вчера послідніраз доручіла лісты адресатам. Вердікт скінчити тоту службу по 400 роках пошта ознамила в марці з тым, же до кінця рока зліквідує і вшыткы публічны поштовы схранкы. Поштовы знамкы ся перестали продавати 18-го децембра. Інформують о тім аґентуры DPA і інтернетовый сайт Politico. „Даны суть чім веце діґіталны і то, што ся даколи посылало листом, днесь векшына людей доставать діґіталнов формов,“ увела в ознамліню штатна сполочность PostNord, котра ся в рамках понижуваня келчіка зосередить лем на доручованя пакунків. Од зачатку міленіа понижыло ся чісло листів в країні о веце як 90 процентів. На ярь прото пошта ознамила і зрушіня 1500 з тым повязаных робочіх міст. (TASR, Пкф)