Джерела порталу Politico зо середовища україньского парламенту і американьскых републиканів твердять, же четверо высокопоставленых сполупрацовників презідента Доналда Трампа вели тайны їднаня з представителями україньской опозиції вєдно бывшой премєрькы Юлії Тімошенковой і попередніх членів партії експрезідента Петра Порошенка. Діскусії ся зосередили на можне скоре зорґанізуваня презідентьскых волеб. Представителі Трамповой адміністратівы уж пару днів публічно назначують, же днешній презідент Володимир Зеленьскый бы мав одступити, як ся незалучіть к інціятіві США на скоре скінчіня войны і за ціну значных уступків на хосен Росії. (TASR, Pkf)