Перед Різдвом реґулярно ся звышує чісло підфуків на пензістах. З той причины поліція попереджує, абы непущали незнамы особы до своїх домів, небыли з нима самы, невыберали перед нима гроші і нерозмінёвали їм банковкы, інформувала о тім говоркыня поліцайного презідія Деніса Балоґова. Як далі інформувала, злодії володіють многы способы, як здобыти довіря пензистів, і тыж много маніпулатівных технік і леґенд, з котрыма їх ословять. Поліція пензистом рекомандує, абы собі насамый перед овірили тотожность волаючого, ці в реалі іде о їх знамого, ці особу, котра ся їм представила. Єдночасно попереджає, же злодії кличуть дакілько разів за собов, даколи і в ночных годинах.
(TASR)