Україна пожадала Орґанізацію про безпечность і співпрацу в Европі о продовжіня моніторуючой місії в тій державі. Інформовав о тім в понедільок україньскый міністер загранічных діл Вадим Пристайко по стрічі з председом ОБСЕ Едімом Рамом. Шпеціална моніторуюча місія є на Україні од 2014-го року, кедь коротко по анексії Криму Російов зачали бої  меджі владныма силами і проросійскыма сепаратістами. Місія окрім іншого забезпечує діалоґ меджі знеприятеленыма сторонами. Мандат їй кінчіть 31-го марца. Пристайко мав подля пресаґентур пожадати і о розшыріня можностей і людьскых жрідел той місії.

(Медвідь, TASR)