Покля выникне сітуація, же мадярьска владна партія Fidesz выступить з Европской людовой партії, може за ньов підуть і далшы. В понедільок то про мадярьску верейноправну телевізію повів Іштван Поца, ведучій аналітік Центру про основны права. За його словами ся вже появили інформації, же бы одышла наприклад і італійска конзерватівна партія Forza Italia ці далшы середньоевропскы партії. Партія Віктора Орбана бы по припаднім выступліню могла зрядити нову парламентну ґрупу або ся придати ку іншій існуючій. Мадярьскый премєр і председа партії Fidesz минулу пятніцю повів, же покля европскы людовці не підпорять Мадярьско, пак його партія буде мусити засновати новый европскый рух і буде на то мати союзників.

(Медвідь, TASR)