Словацькы выробцёве молочных выробків уж будуть мочі вывожати свої выробкы до Чіны. Уможнить їм то договор, котрый мать днесь, 12. апріля, на самітї країн середнёй і выходнёй Европы і Чіны підписати Централный директор штатной ветерінарной і потравиновой справы СР Йозеф Біреш. Інформовав о тім у четверь преміер Петер Пеллеґріні (Smer-SD) по рокованю з председом чіньской влады Лі Кхе- чхіанґом. Чіньскый преміер обіцяв закінчіня процесу цертіфікації словацькых выробцїв молока і молочных выробків уж на попереднім самітї в булгарьскій Софії. ,, Єм барз рад, же ся то завтра стане скуточностёв і завтра бігом саміту Словацька република підпише з прислушным чіньскым міністром такый договор, в котрім чіньскы цолны орґаны потвердять, же выробкы словацькой републикы сповняють параметры і можуть быти уваджаны на чіньскый торг”, повів у четверь Пеллеґріні.

(TASR, Шутіова)