Америцькый презідент Доналд Трамп в понедільок в Білім домі потвердив договор о додавках зброї на Україну посередництвом НАТО. Єдночасно выразив неспокійность із російскым презідентом Владиміром Путіном і остерігав Москву, же покля не закінчіть конфлікт до 50 днів, дає на їй бізнісовых партнерів цла на уровни 100 процент. Нове воєньске выбавліня ся выробить про Аліанцію, причім наслідно буде ку діспозіції на длаше загнаня на Україну. За зброю заплатять европскы членове НАТО, причім Трамп не повів, котры. Ґенералный секретарь Североатлантічной аліанції Марк Рутте, котрый быв по боці презідента, повів, же обидвоми уж комуніковали у четверь. Подля його слов хоче Трамп дати Україні тото, што їй треба, але жадав Европу, жебы то заплатила, што Рутте бере за „цалком лоґічне“. Країны, котры бы могли іти до того контракту, бы могли быти Фінландія, Данія, Швеція, Норвеґія, Великобрітанія, Голандія і Канада.

(Медвідь, TASR)