Послідній тыждень в кампанії перед вольбами до Посланецькой снімовні Парламенту Чеськой републикы буде барз важный. Подля досліджаня каждый третій волич іщі фурт неприяв рішеня, кого буде волити. В дебаті про TASR то повів чеськый політолоґ  Ян Кубачек.  Як дале Кубачек про аґентуру повів, же ,,волич вагать меджі многыма субєктами. З єдного боку є ту коаліція  SPOLU (ODS, KDU-ČSL, TOP 09), і коаліція Піраті і Старостове. Ваганя у потенціоналных воличів є  значне і меджі протестныма партіями Прісага, Тріколора і  SPD. Дакотры вагають меджі ČSSD a KSČM – также платить, же чісло такых воличів є велике. Політолоґ предпокладать, же картами можуть іщі замішати великы телевізны дебаты. (TASR, Pkf)