В днях 21-го аж 24-го септембра будуть в Старій Любовні дакотры уліці заперты з причіны проходжіня юбілейного 30-го річника традічного ярмарку. Інформовав о тім предноста містьского уряду Алеш Солар. Заперты будуть половина Площі святого Николая, часть Левочской уліці, а так само уліці 1-го мая і 17-го новембра, Площа ґенерала Штефаніка, і часть Окружной уліці. В тім часі змінять ся і трасы містьского автобусового транспорту. Ведуча Одділіня школства, културы, шпорту і молодежи на містьскім уряді Ева Колларова інформовала, же почас штирьох днів ярмарку чекать на навщівників богатый културный проґрам на двох сценах.

(Медвідь, TASR)