О вольбу поштов зо заграніча пожадало дотеперь 25 459 людей з понад сто держав. Інформовало о тім Пресове одділіня Міністерства внутрішніх справ Словацькой републікы. О вольбу поштов в передчасных парламентных вольбах мож пожадати до 9-го авґуста електронічно або писмом. Міністерство апелує, жебы собі люди реґістрацію не зохабляли на остатню хвілю. Майже третина жадостей пришла з Чеськой републікы. Друга найвекша кількость жадостей є з Великобрітанії, третя з Німецька. В першій десятці наслідує Австрія, Швейцарія, Голандія, США, Белґія, Франція і Ірландія.

(Медвідь, TASR)