Фінанчны дары на транспарентных учтах можуть політічны страны котры кандідують у вольбах до НР СР приїмати лем до кінця волебной кампани. Тота ся кончіть в середу 26. фебруара о півночі, то значіть два дни перед днём волеб. З фінанціями на транспарентных учтах страны не можуть рушати іщі 90 днїв по выголошіню резултатів волеб. Міністерство внутрішнїх дїл упозорнює страны, же суть повинны забезпечіти, жебы не могли быти на окреме конто приписаны фінанчны средства бігом волебного мораторія, то значіть 48 годин перед вольбами. Закон о волебій кампани тыж управлює способ, якым можуть страны приїмати дары. Підпорователї їм їх можуть посылати на транспарентне конто выключно безготовостным переводом.

(Шутіова, TASR)