x

Бесплатне путованя MHD в місті Вранів над Топльов зазначіло першы успіхы

00

За першый піврік од спущіня бесплатного путованя містьскым громадным транспортом (MHD) у Вранові над Топльов звышыло ся чісло путуючіх в порівняно з минулыма роками о 15.000, што представує скоро 17 процентів. Інформує о тім місто на своїй інтернетовій сторинці. Од януаря было на обідвох лінках MHD переправеных скоро 89.700 путуючіх, причім за згодный період минулых років то было 74.500 людей. Подля здобытого дознаня транспорт здарма найвеце оцінюють старшы обывателі, обывателі, котры нима реґулярно доходять до роботы і з роботы, школярі і штуденты школ і позітівны одозвы евідують і од обывателів околітых сел. Путованя MHD в місті Вранів над Топльов є безплатне од 1-го януаря того року. Самосправа од службы, на Словакії вынятковой, очікує пониженя густоты доріжного руху, і тым і зліпшіня енвіроменталных аспектів жывота в місті. (TASR, Пкф)