Місто Пряшів ся уходить о тітул Европского міста шпорту 2025. Рік 2025 поважує радниця за ідеалный на кандідатуру, протоже втогды буде місто гостити Майстровства Европы у фотбалі грачів до 21 років. Змаганя бы ся мало одбыти на новім штадіоні Futbal Tatran Aréna, котрый представує найвекшу інвестицію до гріска в історії Пряшова. Пресаґентуру TASR о тім інформував говорця міста Міхал Гудак. Посланці містьского заступітельства на 12. засіданю одобрили пропозицію кандідатуры на честный тітул меджінародного вызнаму Европске місто шпорту про рік  2025. Пріматор Пряшова Франтішек Ольга собі думать, же місто мать вшыткы предпоклады, абы тітул здобыло. (TASR, Pkf)