В минувшім тыждню быв з причіны епідеміолоґічной сітуації перерваный выховно-освітній процес в 39-ох колектівных заряджінях в Пряшівскім краю. Конкретно ішло о 20 матерьскых і 18 основных школ. Заперта зістала і єдна середня школа. Найвеце зістало запертых школ в окресі Воронів над Топльов, де їх было 10. В окресі Бардейов не фунґовало 5 матерьскых і три основны школы. Пряшів мав запертых 6 основных і єдну матерьску школу. Далшы школы были зеперты в окресах Кежмарок, Свідник, Стропків, Меджілабірці, Попрад, Гуменне і Сабінів. Тот тыждень суть в Пряшівскім краю ярьны вакації, што подля фаховців може зліпшыти цілкову епідеміолоґічну сітуацію в школах.

(Медвідь, SITA, фото TASR)