x

В містї Сабінов закінчіли першу етапу реконштрукції поулічных світел

00

В містї Сабінов закінчіли першу етапу реконштрукції поулічных світел. В послїднїх днёх місто перевзяло ставбу. Цїлковы наклады представлюють веце як 560.000 евр. TASR о тім інформовав говорця міста Сабінов Юрай Врабел. Цїлково было подля ёго слов выміненых 784 світел, 167 было доповненых, освітленых было 27 пішоходных переходів а были зреалізованы і далшы роботы. ,, По дакілько рокaх маме в Сабінові наіншталованы поулічны світла найновшой ґенерації LED світел з уплатнїнём елементів смарт технолоґії, што принесе выразну успору фінанчных средств при освітлїню міста. Вымінило ся 951 світелных пунктів, “ увів пріматор Сабінова Міхал Репаскый. Як додав, закінчінём першой етапы далей продовжують в реконштрукції поулічных світел, а то вымінов стовпів поулічных світел, ліквідаціёв вздушных веджінь і їх нагороджінём підземным веджінём.

(SME, Шутіова)