Село Кручов є невеликым валалом. Мать лем 219 жытелів. Но хоць не є великым може ся похвалити многыма інвестичныма проєктами. За послідній час ся їм дарить в такых проєктох як наприклад з зреалізаційов комплехной реконштрукції Будинку културы, выставбов пішника через ціле село, выставбов автобусовых заставок ці іншых меншых проєктів. Старостка села Кручов Анна Кертісова іші бы хотіла в найближшім часі зреалзувати єден проєкт, але з ним є повязаный і великый проблем. Говорить Анна Кертісова, „хотіли бы сьме выасвалтовати дальшы етапы сельськых доріг і такым способом дати до порядку властницькы одношіня, котры суть повязаны з тыма дорогами. Наприклад, дорога за сельскыы урядом неє сельска, є там много властників а село як знате неможе вложыти гроші до чужого маєтку. Люде ся просять,  чом тоту дорогу невыасвалтуєме, але на жаль неє то можне, закон нам то недоволює.“ (Кімак)