Словацька презідентка Зузана Чапутова положыла вчера вінець к памятнику 17-го мовембра на пражскій Народній тріеді. До Чехії прийшла, абы собі припомянула 30-те выроча ніжной револуції і тыж абы выступила в телевізії релації Fokus Вацлава Моравца. Інформувала о тім справодайска телевізна станіця ČT24. Завтра буде мати выступліня на отвореній конференції Правда, лож і слобода слова: 30 років по паджіню тоталіты, котра ся одбуде на Паневропскій высокій школі в Братіславі. Выроча братіславского штудентского походу собі перед будинком Універзіты Коменского припомяне в суботу вєдно з презідентм ЧР Мілошом Земаном. В день боя за слободу і демокрацію (17. 11.) презідентка вєдно з бывалыма політичныма арештантами дасть честь жертвам комуністичнго режіму при памятнику Брана слободы на Девіні.  (TASR, Pkf)