До другого кола презідентьскых волеб в Поландії поступують подля очікуваня Андрей Дуда і Рафал Трзасковскі. О тім, котрый з них ся стане презідентом, воличі вырішать в другім колі волеб 12-го юла. З тзв. exit polls выпрацованым інштитутом IPSOS выходить, же Дуда здобыв 41,8 процентів голосів, покы його главный супер Трзасковскі достав подпору од 30,4 процентів воличів. Участь на вольбах была высока – і наперек крокам і обмеджіням, котры суть повязаны з епідемійов запричиненов коронавірусом нового сорту. Своє право волити выужыло 62,9 процентів оправненых воличів. (TASR, Pkf)