x

Мілан Лучанскый быв призначеный презідентом поліцайного збору

00

Премєр Петер Пелеґріні очікує од нововыменуваного поліцайного презідента Мілана Лучанского, же собі порадить у функції од першого дня. Лучанскый на основі його слов недавно абсолвував детектор лжі і так само перейшов перевірков на строго тайны, де мав до детайлів пояснити і свої дотеперішні економічны планы і свій маєток. Припомянув, же Лучанского в року 2016 выменував презідент СР Андрей Кіска до функції ґенерала. Мілан Лучанскый быв вчерашнім дньом міністерков внутра Денісов Саковов призначеный до функції поліцайного презідента, котру буде выконувати од завтрашнього дня. Такым способом вычерять Тібора Ґашпара, котрый кінчить днешнім дньом. Сакова призначіла і першу віцепрезідентку Поліцайного збору. Другу найважнішу функцію в поліції по першый раз буде выконувати жена – дотеперішня заступкыня директора Народной протизлочинецькой єдноткы НАКА Яна Машкарова. Дане місце было вольне од фебруара 2018, одколи одыйшов Ярослав Малік.
(ТАSR)

Фото: TASR