В Домі святого Лазаря в Кошыцях, котрый має Ґрекокатолицька єпархіална харіта, в суботу 9-го апріля, на Лазарьову суботу, святковали одпуст. При тій нагоді архієпіскоп Кіріл, кошыцькый єпарха, одправляв архієрейску літурґію в каплічці того соціалного центра про матери з дітми в нужді. Владыка в проповіді бісідовав о потребі надії в часах, коли розум чоловіка лем тяжко може зрозуміти, чом у світі діють ся вшыткы негуманны і незнесительны дії. За словами владыкы Ісус може вернути до жытя людьскость, котра утримать віру і любов чоловіка ку чоловіку, а укріпить його достойность. На літурґії брали участь словацькы і україньскы родины з Дому святого Лазаря, котры в нім нашли свій притулок.

(Медвідь, grkatke.sk)