Правліня Мукачовской ґрекокатолицькой єпархії в четверь 24-го апріля 2025-го року інформовало, же дата беатіфікації нового священомученика Петра Павла Ороса мусить перенести ся. Беатіфікація мала одбыти ся в селі Білкы на Підкарпатю 3-го мая того року. Як правліня єпархії інформовало, беатіфікація не зрушыла ся, але перекладать ся на іншу, теперь іщі незнану дату. Єпархія пояснила, же буде треба почекати на рішіня нововыбраного Святішого Отця. З офіціалного выголошіня єпархії выходить, же прічінов перенесеня беатіфікації є тот факт, же „деякы з потрібных документів, котры мав підписати Святішый Отець Франціск про завершальне проведжіня беатіфікації, не встиг підписати почас жывота. В повязаню з тым проведжіня торжества беатіфікації на даній етапі стало неможливым.“ Єпархія просить вшыткых, жебы з довіров поставили ся ку тій сітуації і терпеливо очековали далшы офіціалны інформації. Фото: Facebook/ЛЕМ.ФМ (ЛЕМ.ФМ, Pkf)