Із функції председы мадярьской крайно правіцьовой партії Jobbik в понедільок одступив Ґабор Вона. Реаґовав тым на резултаты недільняйшых парламентных волеб, в котрых партія скінчіла друга з великым одступом. Вона вірив у перемогу і бісідовав о тім, же покля ку ній не приведе свою партію, зрече ся функції. Як в понедільок написав, партія його резіґранцію прияла і Вона не буде ани депутатом в парламенті, кідже ся зрече і свого мандату. Jobbik повторив свої резултаты з волеб у 2014-ім році, теперь здобыв тісно під 20 процент, втогды 20,2 процента. У вольбах в неділю перемогла партія Fidesz сучасного премєра Віктора Орбана, котра бы мала мати конштітучну бівшість і обсадити 134 із 199-ох кресел в парламенті.
(TASR)

Фото: TASR/AP