Іран вырішыв, же чорны скринкы зостріленого україньского ероплану тіпу Боінґ на Україну непошле. Намість того їх може зашле до іншой країны, вызерать то так, же до Франції, інформувала аґентура TASR. Іде о записы літовых дані і бісіды о діяню в пілотній кабіні з ероплану літецькой компанії Ukraine International Airlines, котрый 8-го януаря того року пав лем пару мінут по штарті з тегеранского Летіска імама Хомейніго. На палубі было 176 людей з котрых непережыв нихто. Тот вердікт Тегеран прияв  з причіны опублікованого звукового запису дебаты меджі летісковым діспечером і пілотом єдного з іраньскых еропланів, з котрых  выходить, же пілот в часі аварії україньского ероплану відів на небі заблеск ракеты. (TASR, Pkf)