x

Трамп бісідовав з Путіном о запрошіню на саміт G7

00

Америцькый презідент Доналд Трамп в понедільок телефонічно говорив з російскым презідентом Владиміром Путіном о своїй пропозіції запросити Росію на осінній саміт ґрупы G7, інформовала аґентура DPA. Канада і Великобрітанія як членове ґрупы вже передтым выразили ся, же з тов пропозіційов не суть согласны. Канада в такім припаді ани не буде брати участь на саміті. Стріча лідрів Великобрітанії, Канады, Франції, Німецька, Японії, Італії і США мала проходити кінцьом юна в Кемп Дейвід в америцькім штаті Меріленд. Трамп 30-го мая оголосив, же саміт одложыть на осінь і запросить на нього і далшы країны, причім спомянув Росію, Южну Кореу, Індію і Австралію. Росія была з попередньой ґрупы G8 вылучена перед 5-ма роками в реакції на анексію Криму. Кремель не інформовав, як Путін на пропозіцію Трампа зареаґовав.

(Медвідь, TASR)