Лідер канадьскых конзерватівців Піерр Поаліевр у віторок признав прогру в передчасных парламентых вольбах, котры проходили в понедільок і приобіцяв співпрацу будучій лібералній владі при рішіню обходной войны з адміністратівов америцького презідента Доналда Трампа. Ліберална партія Марка Карнія стала переможцьом у вольбах, чім собі забезпечіла далшый функчный період. Затля не є ясным, ці буде мати в парламенті векшыну. Подля актуалной волебной проєкції телевізії CBS News здобыли лібералы 166 кресел, конзерватівці 146 кресел, центрістічнолівый сепаратістічный блок Québecois 23 кресел, Нова демократічна партія сім кресел а Зелены єдно кресло. На вытворіня векшыновой влады мусять мати лібералы найменше 172 кресел в 343-членній нижній палаті парламенту.

(Медвідь, TASR)