В Італійскім приставнім місті Янов 14-го авґуста 2018-го року пала часть далничного моста. Од споминаной події, при котрій вмерло 43 людей, минуло вчера пять років. К траґедії дошло 14-го авґуста 2018-го року о 11:36 год, кедь пала часть Морандіго моста, котрый быв частьов далниці А10 меджі Яновом і таліаньско-французьков границьов. При паджіню часті моста пало з вышкы 45 метрів веце як 30 особных і накладных авт. Часті моста і авт допали до корыта рікы, на желізнічны колії і до промыслового ареалу. Нещастя собі выжадало 43 жертв і евакуацію  высше 500 обывателів недалекых обітных домів, кідьже грозило паджіня дальшых часті моста. Іщі в року 2018 ся зачало з демолаційов решты моста, котра ся скінчіла 28-го юна 2019-го року ліквідаційов послідніх пілїрів. (TASR, Pkf)