x

Обща здравотна поіщовня дасть в слїдуючім роцї амбуланціям веце фінанцій

00

Обща здравотна поіщовня ся з амбуланціями добісїдовала на змлувных условіях платных од 1. януара 2019. Новы додаткы к змлувам підписало 85% амбуланцій. Говорить ґенерална директорка штатной поіщовнї Любіца Глінкова: „В остатнїх днях сьме много діскутовали, бісїдовали сьме і глядали сьме конштруктівны пропозіції на то, як дістати бівшы фінанції прямо к нашым пацієнтам. Тоты цїлї бы єм могла дати до такых трёх ровин: 1. нашов пріорітов было застабілізовати амбулантный сектор, кедьже знаєме, же нам дохторе одходять, 2. жебы тоты фінанції пришли прямо ід нашым пацієнтам а за 3. выздвигнути потребу превентівных преглядок а наслїдно сьме ся добісїдовали так, же од 1. 1. 2019 підвышуєме обєм фінанцій про амбулантный сектор о 50 міліонів евр.“ Штандардна амбуланція про дорослых так місячно в будучім роцї дістане о 967 евр веце, дїтяча амбуланція о 586 а одборны амбуланції дістануть о 470 евр на місяц веце.
(TASR, Цітрякова)